乘 客

黑暗中聽到有人大叫，猛話開唔到門，緊係度廁所門壞咗，於是我又要做埋機艙維修，大力推開，點知成度門閂luck埋，見到係入面被困既大叔，用D我聽唔明既地道方言再大叫，唉度門壞咗唔關我事呀，救你出嚟多謝都無句。



飛咗十幾年，係飛機度乜野人都見過。印象最深刻係高大威猛既周潤發，一D架子都冇，又有禮貌，唔該前唔該後；佢老婆亦斯文大方，全程為發哥打點一切。


而唱歌勁好聽既張學友，有次帶埋老婆同兩個女去日本，雖然細女成日喊，佢冇唔耐煩，猛係度引個女玩，表現出佢既父一面。而張太，帶住頂cap帽，連對眼都幾乎遮曬。


蔡少芬小姐，真人好高，皮膚好靚，有教養，成日都唔該我。仲有，佢大部份時間係度睇聖經，真係好虔誠。


任達華同琪琪兩公婆就表現得好恩愛，温馨塲面不時會出現。


仲有好多大小明星、CEO、政要....飛機常客。


其實，公司既大老板都係高大靚佬一名，似高版Richard Gere。


好啦，講住咁多先，又要飛啦！