skip to main |
skip to sidebar
話說上個flight飛左去Perth，返香港個程見到一大鵬人上機，重係個個都姓Osmond！咦奇妙喎！我做左咁多年，都未曾見過咁大個家族一齊travel喎！等我調查吓先！
架機起飛後，有位Osmond叔叔攞住一大堆海報派街坊，又問我地班crew有冇人識佢地隊兄弟組合？70年代紅極一時個喎。阿叔叔，我地d BC好細架咋，個個都係80年代出世，就算70年代個d，當年仲食緊奶咀邊度識聽英文歌呀！至於 ISM 呀、SP呀，呢班就算識都唔肯認啦，咪暴露晒我地D真實年齡？無解嘅！
唉，不過見佢咁鬼熱情，真係唔忍心掃阿叔慶，唯有話:
「哦！奧士文兄妹合唱團吖嗎？好出名個喎 七十年代！我阿爸同阿媽都好鐘意聽你地唱歌架！(實情佢地最鍾意聽潮州曲)」
「係咩？我地係張海報度簽名，送俾佢地做記念啦！」
「好呀！吖吔多謝哂喎，佢地一定好開心！」
原來The Osmonds今年慶祝50周年，作世界巡迴演唱，今次路經香港去台北。
當年佢地唱個隻爛萍果"One Bad Apple"原來試過連續5次上Billboard 冠軍流行榜架！
返到屋企，問老婆記唔記得奧士文，佢扮唔識。
問阿媽，佢話乜野嚟架？
黑暗中聽到有人大叫，猛話開唔到門，緊係度廁所門壞咗，於是我又要做埋機艙維修，大力推開，點知成度門閂luck埋，見到係入面被困既大叔，用D我聽唔明既地道方言再大叫，唉度門壞咗唔關我事呀，救你出嚟多謝都無句。
飛咗十幾年，係飛機度乜野人都見過。印象最深刻係高大威猛既周潤發，一D架子都冇，又有禮貌，唔該前唔該後；佢老婆亦斯文大方，全程為發哥打點一切。
而唱歌勁好聽既張學友，有次帶埋老婆同兩個女去日本，雖然細女成日喊，佢冇唔耐煩，猛係度引個女玩，表現出佢既父一面。而張太，帶住頂cap帽，連對眼都幾乎遮曬。
蔡少芬小姐，真人好高，皮膚好靚，有教養，成日都唔該我。仲有，佢大部份時間係度睇聖經，真係好虔誠。
任達華同琪琪兩公婆就表現得好恩愛，温馨塲面不時會出現。
仲有好多大小明星、CEO、政要....飛機常客。
其實，公司既大老板都係高大靚佬一名，似高版Richard Gere。
好啦，講住咁多先，又要飛啦！
空中老爺最怕:
1)杯麵味道，聞到就想嘔。
2)失驚無神嘅氣流，迫自己脚踏實地。
3)Mumbai flight，成個機艙D咖哩味。
4)飛北京上海唔記得帶回鄉咭。
5)roster七日stand-by，乜都做唔到剩係坐係屋企等電話。
6)係bund度瞓瞓吓覺聽到有人發開口夢、磨牙。
7)個「波羅」客想食魚無唒魚、想食牛扒無唒牛扒，佢重話要向公司反眏。
8)食緊飯call bell閃唔停。
9)約翰尼斯堡渡假式bungalow，間房D蛇蟲鼠蟻好得人驚。
一時間不能盡錄，講住D先。
臨飛個朝check吓 flight preparation，嘩唔係話，全院滿座！
好彩呢班機D朋友仔都幾乖，無乜騎尼客，最多一早起身(係bunk度瞓咗兩粒半鐘)，一個客要食士多啤梨Häagen-Dazs雪糕杯(應該係坐慣坐熟波羅客連咩牌子ice cream都記得)，另一個不斷要威士忌唔加冰(係零晨4點未serve早餐之前！)。
跟住打咗杯double expresso俾「佢」，就係我為咗「佢」，swap左三次先調到歐洲機既人(如果唔係，佢又唔知會滯留法國幾耐！唉！)
講開倫敦outport，最正係酒店既自助餐，crew有半價(連飲品都有折)，剩揀頭盆同甜品都係£11,25 (折咗)！有巨蝦、法國生蠔、Parma ham、新鮮沙律、cheese、各欵生果靚cake.....真係睇見都流口水！
個晚仲撞到靚仔A股王，大家傾吓食吓飲吓，不知不覺三大杯Pint！
又遇啱夏季大減價，掃咗D Arsenal文具俾姨甥仔。
至於佢，就自己一早彈起身，出咗城逛V&A Museum同埋行街喎，晚飯時間先至肯返黎。
Landing完又再去多謝Captain俾咗個Jump Seat老婆，如果唔係，佢又會繼續流離浪蕩唔返屋企....
抵步香港，好熱呀！
一連七日stand by，
你地估我俾公司call左去邊？
唉最怕呢種等待既日子，
重日日都唔同時間！
11:00-18:00 / 07:00-17:00 / 18:00-00:59 / 05:00-15:00....
簡直就係飛人生活！
邊度都唔駛去！
我只好每日都剃定鬚、
Set定個靚頭、
預備套制服，
唸住一call我就執書包出門口。
好彩我唔係女人，
如果唔係晨咁早或半夜三更要化定個裝真係攞命。
邊度有覺好瞓呀！
噢 話時話，講番轉頭，
究竟call左我去邊個埠呢？
查實，
呢七日以黎，
除左落街食飯，
我 無 離開過香港、
甚至屋企500米以外！
呢班107全機滿座，到左奧克蘭已經中午，大家都知道澳紐既海關有幾嚴厲架啦，但凡肉類生果食物都唔準帶入口，輕則充公，重則罰錢，今次就有人俾佢地沒收左一隻雞(無錯係食得既熟雞)！唔出奇架，我地好多同事鐘意煮飯仔然後帶去outport享受架！
至於我，就寧願試唔同既當地美食，好似紐西蘭既生，點可以錯過！
而家住係賭場樓上酒店(SkyCity)，食野都好抵，有七折。有一晚就去左塔上面既餐廳食seafood buffet，d生真係又新鮮又好味，仲有奧克蘭夜景欣賞，值回票價！
